Pepeling

NAZHOM

ISTIGHFAR DAN MUHASABAH

Oleh : KH.A.Musta’in Zarkasyi

1	2
Abdi atos maca dina ayat suci Sadayana makhluq eta bakal mati Nyawa bakal leupas tina diri abdi Pisah raga badan sareng anak istri Pisah raga badan sareng kulawargi	Dulur sarerea ukur nyeungceurikan Sabab poe eta bakal perpisahan Anak istri salaki teu bisa nahan Harta sareng banda oge kapangkatan Dulur jeung baraya teu bisa nulungan
3	4
Abdi tos ngajepat cicing teu engapan Baju sareng perhiasan dibukaan Sabab raga abdi bade dimandian Tos dibersihan dibungkus ku kafan Sadayana ngadeg bade nyarolatan	Abdi dipindahkeun teras diasupkeun Kana kurung batang abdi dijepatkeun Rurub kurung batang tuluy ditutupkeun Teras digarotong bade dianteurkeun Ka galian kubur nu tos disiapkeun
5	6
Abdi di asupkeun kana pakuburan Tuluy digolerkeun na sengkeredongan Abdi jejeritan taya nu nembalan Kalah di padungan terus di urugan Bari di tincakan bari di padetan	Palapah kamboja teras ditancebkeun Diluhureun kubur abdi dipelakeun Batu nisan lebah sirah jeung tunjangeun Cai dikucurkeun kembang diawurkeun Abdi nu dikubur ukur ningalikeun
7	8
Eungap sareng poek mimiti karasa Hoyong ningal curuk oge henteu bisa Kesang ngucur panas na luar biasa Hareudang bayeungyang ku abdi karasa Kaduhung hanjakal kakarak rumasa	Diluhur kakuping beres nu nalkinan Anu eusina kamayit mapatahan Diakhiran du`a bari di aminan Sadaya ninggalkeun ka abdi sorangan Dulur jeung baraya henteu ngarencangan
9	10
Keu`eung sareng sieun mimiti karasa Sabab waktu hirup loba nyieun dosa Sombong jeung bedegong ka pada manusa Ngupat kaawonan dianggap biasa Laku lampah salah asa henteu dosa	Duh gusti nu agung abdi seja tobat Mugi tebih tina dosa jeung maksiat Hoyong dipasihan ilmu nu manfaat Abdi ngaharepkeun hirup kenging rohmat Salamet didunia sareng diakherat